Sümaa sünüiki tü jieyuu anamiaamaajat, tü majayütnü müsia tepichi Wayuu, tü ayaakuakalüirua shiyoluja tü jamüin namüin tü sulu’ujeein naya wanee mma e’itaana anainrü wanee sülüjüle akatalia Colombia sümaa Venezuela. Sulu’ujee Alakat sümaa Majali, ya’ayaa Wajiira, 45 minutos Paaluachonjee, akumalaasü tü achukuaamaajatka.

Namüin na wayuukana tü noumainkat nasanalüin, naa’inru’su, noulu’su, nakualu’usu, maka sukumalaain saali tü mmakat namüin, kalüjülekaa atuumaa sutuma Venezuela sümaa Colombia. Sulu’u piamie’ya oumainyee na wayuukana shia tü jietkaa ekirajakaa suchonyuu süpüla weinshinjatüin tü sukua’ipakaa wayuu. Sünainjee ti’a, tü ayaakuakalüirua ounusu süchiirua sukua’ipa tü eiikat musia shi’niou süküjala jieyuu, majayünnüü müsia tepichi wayuu, aküjakana suchukua sujutu tü ayatüinjanain na’lapüjüin müsia waraitüin naya sulu’u tü mma apaalakat namüin natuma noushinuu namaa natuushinuu, shi’iree müinjanainya naya weinshi sulu’u tü noumain, mayaainje’e tü shi’itaanein wanee sülüjüle nekiirujut süpüla nakatalaaain suulia nakua’ipa: a’laülaa sulu’u noumain.

Tü mmakat Aalakat (Korejimiento Maikou) müsia Maajali (Munisiipio Akualu’u) sulu’usu mma mulousukoo Colombia, 45 minuuto süchikijee sülüjüle mmakat sumaa Venezuela. Yala, tü jieyuukalüirua süka nashajala müsia noupa’a naküjüin jamalu’uluin namüin tü pütchi sülüjüle mma münakat, namüin wayuu.

Nanüiki sümüin Agenda Propia, namüin nayakana tü nakua’ipakat ounusu makasa’in wanee einuushi, eere nalatirüin natijala namüin nachonyuu, nachoinrumiuu müsia naikeyuu. Nayaawatapeje’e sou tü kasa eekaa sütüma shiitaain wayuu otta süntüin eekai naatajatüin suulia woumain, awanajakaa sukua’ipa tü mmapa’kat. Eeyutpeje’e naa’in shi’ree wayuuwaa, sümaa lapüsanai müsia kataa o’u weinshi.